Ponzi Scheme: Ka LSSC Yon Leson Sou istwa moun ki vle vinn rich rapid...
- Aug 18, 2025
- 3 min read
Updated: Sep 14, 2025
Nan dènye ane sa yo, teknoloji pote anpil opòtinite pou fè lajan sou entènèt la. Men, ansanm ak opòtinite sa yo, gen anpil fòs kache kap tann ou. Youn nan sa ki pi danjere se Ponzi Scheme.
Nan atik sa a, w ap aprann:
Ki sa ki yon Ponzi Scheme
Kijan LSSC (Loyalty Success Smart Community) fonksyone
Istwa yon moun ki tonbe ladan li
Leson nou ka aprann
Konsèy pou pwoteje tèt ou kont magouy sou entènèt la
1. Ki sa ki yon Ponzi Scheme?
Definisyon senp: Yon Ponzi Scheme se yon plan kote moun ki rantre an premye a peye ak lajan nouvo moun ki rantre apre yo. Pa gen pwodwi, sèvis, oswa aktivite biznis reyèl. Lè nouvo moun pa ase, sistèm nan kraze e tout moun pèdi lajan.
Kote non an soti? Charles Ponzi, nan ane 1920 yo, te pwomèt 50% pwofi nan 45 jou. Li te peye moun nan kòmansman — men se te jis yon manti.
2. Ki sa ki LSSC?
LSSC: Se yon Fwòd k’ap Maské kòm Solidarite LSSC (Loyalty Success Smart Community) te prezante kòm yon “kominote entèlijan” avèk buzzwords tankou:
“Frè ak sè kap ede frè ak sè”
“Don volontè”
“Smart contract”
“Blockchain”
Men, pa gen blockchain vre dèyè li, ni biznis. Se te jis yon fason pou atire lajan moun.
3. Istwa Jefferson
Jefferson, se yon jèn gason Ayisyen, kite panse li te jwenn solisyon pou fanmi li.
Orijin li: 27 an, lap viv Delmas, Ayiti. Li te pèdi travay li apre kriz 2021 lan, li te fè ti komès li sou Facebook, men sa pat ase. Yon jou li wè yon post sou WhatsApp:
“Antre ak $1000. Resevwa $2000 nan 5 jou. Kominote entèlijan sou blockchain. Solidarity only. LSSC.”
Premye Antre: Jefferson mete 1000Usdt. 5 jou apre li resevwa $2000 sou sistem nan. Li mete $1000 ankò, resevwa $2000 apre 6 jou. Li kòmanse envite zanmi, epi yo tout touche.
Kòmansman Fen-an: Lè li re-envesti tout lajan:
Pa gen konfimasyon
Repons pran tan
Admin disparèt sou Telegram
7 mwa apre, LSSC fèmen pòt li, Jefferson pèdi plis pase $2,000. Fanmi ak zanmi li yo te facheak li , li tonbe nan depresyon.
4. Leson Aprantisaj
Leson Jefferson aprann:
Lajan pa fèt fasil
Pa mete tout konfyans ou nan rezo sosyal
Verifye tout opòtinite
Ponzi Scheme pa gen aktivite reyèl
Pa janm mete non ou kòm garanti pou lòt moun
Aprantisaj pratik:
Si twò bèl pou li vre, li pa vre
Fè rechèch sou Google, Trustpilot, Reddit, YouTube
Si pa gen pwodwi oswa sèvis, sispèk
Ou ka pèdi plis pase sa ou mete
5. Analiz Fonksyonman LSSC
LSSC te yon Ponzi Scheme maské ak buzzwords:
Blockchain: pa gen smart contract verifyab
Kominote entèlijan: baze sou peye lòt moun
Solidarite: sèvi ak ou pou jwenn plis moun
6. Ki jan pou w pwoteje tèt ou?
5 verifikasyon esansyèl:
Ki kote pwofi a sòti?
Eske ou ka verifye konpayi a sou Google?
Eske yo mete presyon pou w envite plis moun?
Eske yo sèvi ak mo tankou “don” san sans?
Eske gen transparans sou ki moun ki dèyè konpayi an?
7. Pawòl ki Soti nan bouch Viktim yo
“M te panse se blockchain… men m te fè erè. M pèdi ekonomi pitit mwen.” — Magdala, 34 an, Okay
“Tout tan ou pa konprann kote pwofi a sòti, ou ka pèdi tout.” — Rony, 41 an, Pòtoprens
8. Konklizyon
Nan chache pou soti nan povrete, fasil pou kwè nan “mirak”. Men anpil mirak se manipilasyon. LSSC te sèvi ak manti, presyon sosyal, ak teknik manipilasyon pou pran lajan moun. Ak edikasyon, nou ka devlope jijman finansye solid epi evite pyèj sa yo.
9. Bonus: Konsèy pou Jèn Kap Chèche Lajan Sou Entènèt
Aprann trade Forex oswa kripto
Fè freelancer (design, coding)
Dropshipping / print on demand
Kreye kontni sou rezo sosyal
Sèvi ak platfòm reglemante tankou Upwork oswa Fiverr
Monetizasyon legal san kenbe stòk
Pale, pataje, pwoteje lòt moun.
Pataje atik sa a ak fanmi ak zanmi pou yo pa tonbe nan menm pyèj la.
“Edikasyon se sèl zouti ki ka libere yon pèp kont esklavaj finansye.”
FXKADASH Academy dedye pou edike kominote Ayisyen sou danje ak opòtinite finans modèn.
Djine Claudy Lares
Comments