“Istwa reyèl 3 Trader ki kapab Enspire ou: Moun Ki Soti Nan Anyen Pou Vin Gwo Titàn nan Mond Trading”

Lè ou kòmanse vwayaj ou nan trading, li fasil pou santi w dekouraje. Ou ka pa gen gwo kapital, ou ka fè anpil pèt, oswa ou ka santi w pa konprann ase. Men yon bagay ki ka toujou pouse w kontinye se: istwa reyèl moun ki fè siksè

Nan atik sa a, nap gade 3 istwa ekstraòdinè: Bruce Kovner, Richard Dennis, ak Marty Schwartz — moun ki te kòmanse san anyen, ki te fè anpil sakrifis, men ki te rive bati destin yo kòm trader lejandè.

1. Bruce Kovner: Soti Chofè Taksi pou Vin Yon Titan nan Hedge Fund

Ki moun li te ye? Nan ane 1970 yo, Bruce Kovner te jis yon etidyan ki tap batay ak lavi, li te travay kòm chofè taksi pou peye bòdwo. Li pa t soti nan yon fanmi rich, men li te gen yon grangou pou aprann.

Kòman li te kòmanse? Li te etidye ekonomi administrativ... Apre anpil refleksyon, li te prete $3,000 sou kat kredi li pou fè premye tranzaksyon futures li. Premye trade sa a te pote plis pase $20,000 pwofi — se la tout bagay te kòmanse.

Kisa li reyalize? Li te fonde Caxton Associates, yon hedge fund ki te vin jere plis pase $10 milya dola. Kovner te vin youn nan traders ki pi respekte ak pi rich nan mond lan.

Leson: Pa janm meprize kòmansman ki piti. Ak vizyon, pasyans, konesans, ou ka transfòme lavi ou.

2. Richard Dennis: “Prince of the Pit” — $1,600 pou rive $200 milyon

Ki moun li te ye? Richard Dennis soti nan vil Chicago nan peyi etazini, nan yon fanmi ki pa t gen mwayen. A 17 tan, li te travay kòm kourye nan yon mache epi obsève traders yo, kote li devlope pasyon li pou trading.

Kòman li te kòmanse?Avèk sèlman $1,600, li te kòmanse trade sou Chicago Mercantile Exchange. Li te itilize yon stil senp men efikas: Swiv Trend lan (trend following) e li te kite pwofi yo mache.

Eksplwa li? Apre 10 ane, $1,600 li a te tounen plis pase $200 milyon. Li te vin yon lejand epi lanse yon challenge “The Turtle Traders”, kote li fòme moun ki pat gen eksperyans pou vin traders ki fè siksè.

Leson: Kapital ou pa detèmine siksè. Estrateji, disiplin, ak kontwòl risk se kle a. Epi wi, ou ka aprann vin yon bon trader.

3. Marty Schwartz: 9 Ane ap Pèdi anvan Li Te Devni “Pit Bull” nan Wall Street

Ki moun li te ye? Marty Schwartz se te yon ansyen sòlda e yon analis finansye. Pandan 9 lane, li te fè anpil pèt nan trading. Men li pa t abandone.

Kòman li te fè chanjman an? Li te pran analiz teknik pi serye, ekri chak tranzaksyon, limite risk, epi kontwole emosyon li. Li te aplike plis disiplin nan chak aspè nan plan li.

Rezilta? Schwartz te vin youn nan day traders ki pi pwofitab sou Wall Street. Li te touche plizyè milyon dola chak ane epi te resevwa tit “Pit Bull”.

Li ekri liv li “Pit Bull: Lessons from Wall Street’s Champion Trader”, ki vin tounen yon klasik.

Leson: Pa janm abandone. Pafwa li pran tan pou devlope kapasite w. Men si ou kenbe tèt ou, ou ka pase stad gran pèdan epi vin yon trader ki pi profitab.

Konklizyon

Bruce, Richard, ak Marty te kòmanse nan nivo zewo — kit se chofè taksi, lòt ki te fè ti travay pou viv. Yo pa t gen privilèj, men yo te gen detèminasyon, disiplin, pasyans, ak grangou pou aprann.

Se pa lajan ki fè w fè siksè nan trading — se tèt ou. Ou gen kapasite pou vin pwochen istwa siksè a. Se pa kesyon “si”, men “ki lè” ou ap deside pran tèt ou oserye.

Djine Claudy Lares

Ou renmen atik sa? Pataje l ak lòt traders ki bezwen enspirasyon. Abòne ak FXKADASH Academy pou plis kontni sou devlopman mantal nan trading, analiz teknik, ak estrateji pou siksè.

#InspirePaReyisit | #TradingMotivasyon | #FXKADASH | #KòmanseJodiA | #PasyansDisiplinRezilta